Marius Langballe Dalin

Velkomen til døraksjon med MDG Kinn i Florø!

Å kjempe for klimaet og naturen er for meg noko av det mest meiningsfulle eg kan gjere for framtida til borna mine. I MDG har vi eit stort engasjement og arbeider mot same mål. Det gir inspirasjon!

Skal vi få gjennomført grøn politikk må vi vinne val. For å vinne valet må vi nå ut til folk. Den mest effektive måten å nå folk på er ved å snakke med dem der dei bur. 

Eg håpar du vil vere med meg og banke på dører og snakke om grøn politikk! For nokre dagar sidan var eg i Dale og gjekk frå dør til dør i lag med Svein-Martin, lokallagsleiar i Fjaler. Det er utruleg kor hyggelege folk er når ein møter dei slik på heimebane. Det er ikkje lett å kome seg derifrå når ein fyrst har fått folk i tale, og det er kjekt!

Dei fleste av oss kvir seg litt på å banke på døra til framande, så du skal sjølvsagt sleppe å gå åleine. Vi går i lag to og to, i same område. 

Eg kjem til Florø no tysdag, 20. april. Vi møtast ved Røde Korsbygget kl 17. Vi håpar du har lyst og høve til å vere med! Jo fleire vi er, jo fleire når vi ut til. Vi samlast på Horne brygge etterpå for å snakke om inntrykka og får oss litt pizza. 

Du kan  laste ned aksjonsappen vår på  https://app.mdg.no. I appen kan du registrere kor du har vore og du kan tinge valkampaviser du kan dele ut. Ta gjerne kontakt med meg eller nokon i styret i Kinn MDG om det er noko du lurar på. 

Beste helsing

Marius Dalin
Fyrstekandidat for MDG Sogn og Fjordane

Andrekandidat Marièl Eikeset Koren og meg 
på Sørstranda i Gloppen. Foto: Oddleiv Apneseth