Dei to partia har sett seg to mål med samarbeidet. For det fyrste vil dei staka ut ein langsiktig kurs for politikken i det komande tiåret, til og med 2020, ikkje berre eit program for neste mandatperiode. Det andre hovudmålet er å utfordra den borgarlege regjeringa, og slik skapa oppslutnad om ei samarbeidsregjering mellom dei grøne og sosialdemokratane.
– Det me i dag presenterer er eit samarbeid mellom to parti som er meir langsiktig enn me tidlegare har sett i svensk politikk. Eit djupare raudgrønt samarbeid mellom sosialdemokratane og dei grøne kan kombinera ein handlingskraftig politikk for fleire jobbar, meir rettvise og god økonomisk utvikling med ein moderne miljøpolitikk og global solidaritet som òg gjeld framtidige generasjonar. Det vonar me Ã¥ gjennomføra i regjeringsposisjon, seier partileiar Mona Sahlin (s) saman med talspersonane Maria Wetterstrand og Peter Eriksson (mp).
Dette er fyrste gongen at Miljöpartiet går til val som del av eit regjeringsalternativ. To gonger tidlegare har Miljöpartiet vore støtteparti for sosialdemokratiske regjeringar.
